"Париж-2024". АҚШ аёллар терма жамоаси баскетбол турнирида ғолиб чиққан ҳолда ўз делегациясини пешқадамликка олиб чиқди

АҚШ аёллар терма жамоаси 2024 йилги Олимпиада ўйинларининг финал учрашувида Францияни бир очко фарқ билан мағлуб этди.

Бугун, 11 август куни ёзги Олимпиада ўйинлари доирасидаги аёллар баскетболи турнирининг финал ўйини Франция ва АҚШ терма жамоалари ўртасида бўлиб ўтди. Учрашув 67:66 (15:9, 10:16, 20:18, 22:23) ҳисобида америкалик баскетболчилар фойдасига ҳал бўлди. Учрашув "Аccор Арена" (Берси) стадионида бўлиб ўтди.

Америка жамоасида энг сермаҳсул баскетболчи Ажа Уилсон бўлди. У ўйин давомида жамоасига 21 очко келтирди.

Шу тариқа АҚШ терма жамоаси Олимпиада баскетбол турнирининг олтин, француз аёллари кумуш ва Австралия терма жамоаси бронза медалига сазовор бўлди.