Париж, Марсель ва Франциянинг яна 4 та шаҳри жаҳон чемпионатига бойкот эълон қилди

Франциянинг олтита шаҳри Қатарда бўлиб ўтадиган 2022 йилги жаҳон чемпионатига бойкот эълон қилди, дея хабар бермоқда "Ge.globo" нашри.

Манбага кўра, Франциянинг олтита шаҳри: Париж, Марсель, Лилль, Страцбург, Реймс ва Бордо жаҳон чемпионати учун тадбирлар ташкил қилмайди. Бу қарор шаҳар раҳбарларининг 2022 йилги жаҳон чемпионати мезбон давлати сифатида Қатарга қарши норозилиги эди.

Маълумот ўрнида, ЖЧ-2022 Қатарда 20 ноябрдан 18 декабрга қадар бўлиб ўтади. Франция “D” гуруҳида Австралия, Дания ва Тунис терма жамоалари билан ўйнайди.