Пара пауэрлифтинг бўйича терма жамоамиз Жаҳон кубогини 7 та медаль билан бошлади

Грузиянинг пойтахти Тбилиси шаҳрида бўлиб ўтаётган пара пауэрлифтинг бўйича Жаҳон кубоги Ўзбекистон терма жамоаси учун муваффақиятли бошланди.

Мусобақанинг дастлабки кунида Умида Ражапова ва Умида Рўзиева ҳар бири 2 тадан олтин медални қўлга киритди. Шунингдек, Санжар Аллаберганов ҳам ўз вазн тоифасида чемпионликни қўлга киритди. Дилдора Нуриллоева эса 2 та кумуш медаль билан тақдирланди.

Шу тариқа, мусобақанинг илк кунида Ўзбекистон вакиллари жами 5 та олтин ва 2 та кумуш медални қўлга киритишга муваффақ бўлди. 

Эслатиб ўтамиз, Жаҳон кубоги 12 майга қадар давом этади ва унда дунёнинг 25 давлатидан 140 нафарга яқин пара пауэрлифтингчилар иштирок этмоқда.