Палмер финал беллашувидан сўнг ғалаба ҳақида гапирди

"Челси" ярим ҳимоячиси Коул Палмер ПСЖ устидан қозонилган 3:0 ҳисобида ғалабадан сўнг ўйин ҳақида ўз фикрлари билан ўртоқлашди.

"Жуда ажойиб ҳис-туйғу. Бу янада ёқимлироқ, чунки ўйин олдидан ҳеч ким бизга ишонмаган эди. Биз жон-жаҳдимиз билан курашдик.

Мен финалларда иштирок этиб, ғалаба қозонишни жуда истардим.

Мураббий ЭнЦо Мареска ажойиб режа тузди. У майдондаги бўшлиқлар қаерда бўлишини аниқ биларди. Мен унинг ишончини оқлашга ҳаракат қилдим.

Мареска ўзига хос ва муҳим нарса яратмоқда. Бу ёш жамоа. Бутун мавсум давомида биз ҳақимизда кўплаб асоссиз миш-мишлар тарқалди. Бироқ, биз тўғри йўлдан бормоқдамиз" - дея ўз фикрлари билан ўртоқлашди учрашувнинг энг яхши футболчиси бўлган англиялик ҳавбек.

Қўшимча маълумот сифатида, Палмер ПСЖга қарши 3 та голда ҳам иштирок этди: 2 та гол урди ва охирги голга ассистентлик қилди.