ЎзФҲМ "Локомотив" — "Навбаҳор" учрашувида белгиланган пенальтига изоҳ берди

"Локомотив" — "Навбаҳор" учрашувида юзага келган вазият юзасидан Эксперт ҳакамлар гуруҳи расмий хулоса берди.

Суперлига доирасидаги мазкур баҳснинг 16-дақиқасида "Навбаҳор" футболчиси рақиб жамоа жарима майдончаси ичида йиқилди. Ушбу ҳолатда бош ҳакам томонидан пеналти белгиланди. VAR орқали эпизод қайта кўриб чиқилиб, қарор тасдиқланди.

Таҳлилларга кўра, ҳимоячи ҳужумчининг эркин ҳаракатланишига тўсқинлик қилган. Ҳужумчи тўп учун курашаётган пайтда юзага келган ушбу контакт қоидабузарлик сифатида баҳоланган.

Эксперт ҳакамлар гуруҳи бош ҳакам томонидан пеналти белгиланиши тўғри қарор бўлганини таъкидлади.