Ўзбеклар эшкак эшиш қанақа бўлишини кўрсатиб қўйди

Грециянинг Афина шаҳрида академик эшкак эшиш бўйича “Evalution Hellenic Regatte-2025” халқаро турнири ўтказилди. Унда Ўзбекистон миллий терма жамоаси аъзолари муваффақиятли иштирок этди.

Мусобақанинг тўрт кишилик экипажда (М4-) ташкил этилган беллашувларида Алишер Турдиев, Давржон Давронов, Дилшод Худойбердиев ва Фазлиддин Каримовдан иборат жамоамиз олтин медалга сазовор бўлди.

“М2-” йўналишида эса Дилшод Худойбердиев ва Фазлиддин Каримов кумуш медалини қўлга киритди.

Шунингдек, бир кишилик экипаж бўйича ўтказилган пойгаларда Анна Пракатен (W1х), Жамол Турғунов (М1х) маррага иккинчи бўлиб етиб келди. Икки кишилик экипаждаги беллашувларда Алишер Турдиев ва Давржон Давронов жуфтлиги бронза медали билан тақдирланди.