Ўзбекистонлик велопойгаси профессионал пойгада шоҳсупага кўтарилди

Велоспорт бўйича Ўзбекистон терма жамоаси вакили Янина Кускова UCI тоифасидаги “Tour El Salvador” нуфузли халқаро кўп кунлик профессионал пойганинг иккинчи босқичида иштирок этди.

Мазкур пойгалар якунига кўра, Янина Кускова маррага учинчи бўлиб етиб келди ва велоспорт бўйича миллий терма жамоамиз учун икки босқич таснифида 78 UCI рейтинг очкосини қўлга киритди.

Ҳали олдинда пойганинг бир неча босқичлари бор.

Эслатиб ўтамиз, велоспортнинг шоссе йўналишида эркаклар миллий терма жамоаси аъзоси Никита Цветков UCI рейтинг очколарини берувчи, 2.1 таснифидаги “Tour of Thailand” кўп кунлик халқаро велопойгасининг 4-босқичида 3-ўриндан жой олган эди.