Ўзбекистонлик шахматчилар Туркияда халқаро турнир баҳсларини бошлади

Жорий йилнинг, 17–23 август кунлари Туркиянинг Ургуп шаҳрида "2nd Kapadokya International Open Chess Tournament" халқаро турнири бўлиб ўтмоқда.

Мусобақада 22 мамлакатдан 687 нафар шахматчи, жумладан, Ўзбекистондан 9 нафар спортчи иштирок этмоқда. Дастлабки икки тур якунига кўра, “А” гуруҳида Алмас Рахматуллаев 2 очко билан етакчилар сафида бормоқда.

Сайидакбар Саидалиев ва Муҳаммадали Абдураҳмонов 1,5 очкодан жамғарган. Барчиной Шокиржонова, Мафтуна Бобомуродова ва Зилола Актамова ҳисобида эса 1 очкодан мавжуд.

“Б” гуруҳида Мумтозбегим Мансурова 2 очко билан юқори ўринларда бормоқда. Озода Шахзодова эса 1 очко жамғарган.

Мусобақада Ўзбекистон шарафини Сайидакбар Саидалиев, Алмас Рахматуллаев, Муҳаммадали Абдураҳмонов, Мумтозбегим Мансурова, Барчиной Шокиржонова, Мафтуна Бобомуродова, Шоҳина Ахмедова, Озода Шахзодова ҳамда Зилола Актамова ҳимоя қилмоқда.

Турнир баҳслари 23-августга қадар давом этади.