Ўзбекистон ва Уругвай учрашуви ҳисоби олдиндан айтилди
- 12-октябр 2025, 17:02
- Zohir Toshxo’jayev
- 0
- Футбол
2026 йили АҚШ, Канада ва Мексикада бўладиган жаҳон чемпионатига пухта тайёргарлик кўраётган Ўзбекистон миллий терма жамоаси ФИФА кунлари доирасида икки карра жаҳон чемпиони – Уругвай миллий терма жамоаси билан ўртоқлик учрашуви ўтказади.
Айни пайтда кўплаб манбалар бўлажак учрашувда томонларнинг имкониятларини таҳлил қилиб, ўйинда қайд этилиши мумкин бўлган натижани топишга ҳаракат қиляпти.
Нуфузли манбалардан бири – soccer365 сайти экспертлари ҳар икки терма жамоанинг сўнгги йиллардаги ўйинлари ҳақида маълумотнома тайёрлади ва ҳисобни тахмин қилди.
Каннаваро ишни ғалаба билан бошлади
Илк бор мундиалда қатнашадиган Ўзбекистон миллий терма жамоасига Фабио Каннаваронинг бош мураббий бўлиши кўплаб саволларни келтириб чиқарди. Шунга қарамай, италиялик мутахассис қўл остида ўзбеклар ўртоқлик учрашувида Кувайтни 2:0 ҳислбида енгди. Агар Отабек Шукуров пенальтини голга айлантиргани ҳисоб йирик кўриниш оларди.
Ўзбекистон қарийб 11 ойдан бери ютқазмаяпти ва бу серия 11 та учрашувга етди. Охирги икки йилда ўзбеклар фақат бир марта 2024 йилнинг ноябрида Қатар майдонида бўлган учрашувнинг 102-дақиқасида ўтказилган гол туфайли аламли мағлубиятни қабул қилиб олган.
Таркибда ўзгаришлар бор
Энг катта йўқотиш – Аббосбек Файзуллаев сафдан чиққани. Терма жамоанинг асосий ҳужумкор футболчиси жароҳати туфайли йиғинни тарк этди. Тажрибали ўйинчилардан ҳимоячи Фаррух Сайфиев ва ярим ҳимоячи Одилжон Ҳамробеков ҳам шикастлангани боис, терма жамоадан кетишига рухсат берилди.
Бундан ташқари, Каннаваро йиғинга таклиф қилинган ўйинчилардан бир нечтасига ҳам жавоб бериб юборди. Уларнинг ўрнига ҳужумчилардан Руслан Жиянов ва Ҳусайн Норчаев терма жамоага жалб қилинди.
Ўзбекистон кам гол ўтказяпти
Уругвай билан бўладиган баҳс олдидан Ўзбекистон кетма-кет учта учрашувда ўз дарвозаси дахлсизлигини сақлаб қолди. Умуман олганда, бу терма жамоа охирги 11 та учрашувдан 8 тасида гол ўтказгани йўқ.
Ўзбекистон деярли ҳар бир учрашувда гол ураётгани таҳсинга лойиқ. Хусусан, охирги 13 та ўйиндан фақат иккитасида рақиблар ўз дарвозасини дахлсиз сақлаб қолишни уддалади. Ўзбекистон ўртоқлик ўйинида Иордания ҳимоясини ёриб ўтолмади. Бирлашган Араб Амирликларида ўтган баҳсда голсиз дуранг ўзбекларни жаҳон чемпионатига олиб чиқди. Шундан кейин кетма-кет олтита учрашувда терма жамоа гол уриб келмоқда.
SOCCER365 сайти тахмини: Бўлажак ўртоқлик учрашуви 1:1 ҳисобида дуранг билан тугайди.
Бўлажак жаҳон чемпионати иштирокчилари ҳисобланган Ўзбекистон ва Уругвай ўртасидаги ўртоқлик ўйини 13 октябоь куни Малайзияда Тошкент вақти билан 17:45 да бошланади.
Ўзбекистонга қарши саф тортадиган Уругвай нимаси билан кучли?
Ҳусанов, рақобатчинг чарчади!
“Манчестер Сити”нинг Ҳусанов бўйича якуний қарори маълум бўлди