Ўзбекистон U23 терма жамоамиз сафида ўзгариш

Айни пайтда Қирғизистоннинг Бишкек шаҳрида Осиё Кубоги саралашида иштирок этиш учун ҳозирлик кўраётган Ўзбекистон олимпия терма жамоамиз сафида мажбурий ўзгариш кузатилди. Бу хусусида ЎФА матбуот хизмати хабар берди.

"Белгиянинг “Антверпен” клуби шарафини ҳимоя қилаётган Муҳаммадали Ўринбоев куни кеча “Вестерло” жамоасига қарши ўйинда захирадан майдонга тушди. Ўйин якунлангач, унинг эски жароҳати безовта қилгани сабаб, жамоанинг тиббий ва жисмоний тайёргарлик бўйича мутахассисларининг сўровига биноан Ўринбоевнинг тикланиш жараёнлари ўз клубида давом эттирилиши борасида қарор қабул қилинди. 

Шу боисдан унинг ўрнига “Олимпик Мобиуз” футболчиси Муҳаммедали Реимов йиғинга жалб этилди.

Эслатиб ўтамиз, Равшан Ҳайдаров бошқарувидаги жамоамиз 3–9-сентябрь кунлари U-23 Осиё Кубоги саралаш баҳсларида иштирок этади ва Шри-Ланка, Қирғиз Республикаси ҳамда Фаластинга қарши баҳс олиб боради", - дейилади расмий хабарда.