Ўзбекистон Осиё чемпионатида медаллар жамғармаси бўйича нечанчи ўринни эгаллади?

Мўғулистон пойтахти Улан-Батор шаҳрида бокс бўйича катталар ўртасидаги Осиё чемпионати ўз ниҳоясига етди.

Мазкур мусобақада иштирок этган Ўзбекистон эркаклар ва аёллар терма жамоамиз жами 11 та медал – 3 та олтин, 4 та кумуш ва 4 та бронза қўлга киритди.

Ушбу натижа билан вакилларимиз умумжамоа ҳисобида 3-ўринни эгаллади. Биринчи ўрин Қозоғистон(6 та олтин, 2 та кумуш, 5 та бронза), иккинчи ўрин эса Ҳиндистон(5 та олтин, 3 та кумуш, 8 та бронза)га насиб этди.

Шуни таъкидлаш керакки, Ўзбекистон терма жамоаси ушбу Осиё чемпионатида иккинчи таркиб билан қатнашган бўлса-да, қитъадаги етакчи терма жамоалардан бири эканини исботлаб қўйди!