Ўзбекистон кубоги саралашидан ўрин олган иккита учрашув якунланди

Бугун Ўзбекистон кубогига саралашнинг 1-босқичидан ўрин олган иккита учрашув бўлиб ўтди.

Биринчи беллашувда Самарқандинг “Азур” ҳамда Наманганинг “Баркамол” жамоалари куч синашди ва учрашув самарқандликларнинг 2:1 ҳисобидаги ғалабаси билан якунланди. “Азур” клуби сафидан голларга Шоҳжаҳон Исматов ва Бекназар Бобожонов муаллифлик қилган бўлса, наманганликларнинг ягона голни эса Лутфуллоҳ Нуриддинов ўз номига ёздириб қўйди. 

Кунинг иккинчи учрашувида Сирдарёнинг “Гулистон” ва медиа жамоа хисобланган “Sonyc Х” жамоалари тўқнаш келди. Бу баҳсда сирдарёликлар 2:0 ҳисобида зафар қучди. “Гулистон” жамоасининг голлари Бунёд Шодиев ва Асилбек Умрзоқов томонидан киритилди.

Маълумот учун, биринчи учрашувда ғолиб бўлган “Азур” жамоасига кейинги босқичда “Дўстлик” клуби рақиб бўлади. “Гулистон” эса “Локомотов БФК”га қарши майдонга тушади.