Ўзбекистон кубоги. “G” гуруҳида интрига сақланиб қолмоқда

Ўзбекистон кубоги “G” гуруҳида икки турдан кейин барча жамоалар бир хил — 3 очкодан жамғариб турибди.

1-турда “Каттақўрғон” “Сурхон”ни 3:2 ҳисобида мағлуб этган бўлса, “Пахтакор” “Яйпан” устидан 4:1 ҳисобида ишончли ғалабага эришган эди.

2-турда эса натижалар тескари кўриниш олди. “Яйпан” минимал ҳисобда “Каттақўрғон”ни мағлуб қилди, “Сурхон” эса “Пахтакор” дарвозасига жавобсиз икки тўп киритди.

Шу тариқа, икки турдан кейин барча жамоалар 3 очкодан тўплаган ҳолда гуруҳдаги интрига янада кучайди.

3-тур учрашувлари 27 май куни бўлиб ўтади. Унда “Пахтакор” — “Каттақўрғон”, “Яйпан” эса “Сурхон”га қарши майдонга тушади.