Ўзбекистон чемпиони Хаби Алонсога жамоа танлаб берди

Ўз даврида “Бунёдкор” таркибида Ўзбекистоннинг уч карра чемпиони, икки карра мамлакат кубоги соҳиби ва чемпионат тўпурари бўлган бразилиялик футбол юлдузи Ривалдо “Реал” бош мураббийи Хаби Алонсо ҳақида ўз фикр-мулоҳазаларини билдирди. учун жамоа танлаб берди.

- Мен Хаби Алонсо “Реал”да қолишига умид қиламан. У ажойиб мураббий, Германияда жуда катта ишларни уддалаган.

Агар у кетадиган бўлса, “Ливерпуль”га ўтиш идеал вариант бўлади. Алонсо бу клубни яхши билади, чунки ўша ерда ўйнаган ва бу омил кўп нарсани осонлаштиради. Шундай қилса, битта топ-клубдан иккинчисига ўтган бўлади.

Умуман олганда эса, мен Хаби Алонсо “Реал”да қолиши ва ўзининг мураббийлик сифатини намойиш этиши тарафдориман. Бунинг учун уни бутун жамоа қўллаб-қувватлаши талаб этилади,- деди Ривалдо One Football нашрига.

Эслатиб ўтамиз, 1999 йили  “Олтин тўп” соҳиби бўлган Ривалдо 2008-2010 йиллар давомида Тошкентнинг “Бунёдкор” клубида фаолият юритган.