Ўзбек боксчиси рингга кўтарилиши керак бўлган Теофимо Лопес - Жорж Камбосос жанги оқшоми бошқа санага кўчирилди

4 октябрь куни енгил вазн тоифасида WВО, WВА ва IBF камарлари учун бўлиши белгиланган Теофимо Лопес (16-0, 12КО) ва Жорж Камбосос (19-0, 10КО) жанги 16 октябрь санасига кўчирилди. Жанг "Madison Square Garden"да эмас "Barclays Center" аренасида бўлиб ўтади.

Мазкур оқшомда супер енгил вазн тоифасида (-63,5 кг) иштирок этадиган ҳамюртимиз Жамшидбек Нажмиддинов (17-1, 14КО) америкалик Уилл Мадерага (16-1-3, 9КО) қарши рингга кўтарилади.