Отабек Шукуров Сербиянинг «Радник» клубига ўтди

Ўзбекистон терма жамоаси ярим ҳимоячиси Отабек Шукуров фаолиятини Сербиянинг «Радник» клубида давом эттиради. Бу ҳақда Сербиянинг «Спорт Журнал» нашри хабар берди.

30 ёшли марказий ярим ҳимоячи янги жамоасига эркин агент сифатида қўшилди. Шукуров ўтган мавсумни БААнинг «Баниёс» клубида ўтказган.

Футболчи фаолияти давомида Туркиянинг «Карагумрук» ва «Кайсериспор», шунингдек, Саудия Арабистонининг «Ал-Файҳа» ҳамда БААнинг «Шаржа» клубларида тўп тепган. «Шаржа» билан БАА чемпионлигини қўлга киритган.