Осиёлик футболчи Англия клубида кўрикдан ўтяпти

“Арсенал”нинг япониялик собиқ ҳимоячиси Такехиро Томиясу айни пайтда Англия Премьер-лигасининг бошқа жамоаси “Кристал Пэлас”да кўрикдан ўтмоқда.

Япониялик футболчи ўтган мавсум якунида “Аякс” билан бир йиллик шартномаси тугагач, эркин агентга айланган. Унинг асосий мақсади Англия Премьер-лигасига қайтиш ҳисобланади.

Sky Sports маълумотига кўра, “Кристал Пэлас” бош мураббийи Пьер Саж Томиясуга имконият беришга қарор қилди ва уни Италияда “Ланс”га қарши мавсумолди учрашувига олиб кетди.

Томиясу 2025 йилда “Арсенал”ни тарк этган бўлса-да, ҳануз Лондонда яшайди. Шу боис “Кристал Пэлас”га ўтиши у учун жуда қулай вариант ҳисобланади.