Осиё ўйинлари-2026: ММА бўйича якуний медаль тақсимоти

Айти ва Нагоя шаҳарларида (Япония) ўтаётган 2026 йилги Осиё ўйинларида аралаш жанг санъати бўйича медаллар тақсимоти маълум бўлди, деб хабар бермоқда Sports.kz.

Медаллар жадвалида етакчиликни Тожикистон қўлга киритди — ушбу терма жамоа ҳисобида икки олтин ва бир кумуш медаль мавжуд. Иккинчи ўринни Қозоғистон эгаллади: икки бор чемпионлик ва бир бронза. Учинчи поғонада эса бирдан икки давлат — Сингапур ва Таиланд жамоалари жой олди, уларнинг ҳар бири биттадан олтин медалга эга.

ММА бўйича Осиё ўйинлари медаллар жадвали

1. Тожикистон — 2-1-0 (жами 3 медаль)
2. Қозоғистон — 2-0-1 (3)
3. Сингапур — 1-0-0 (1)
3. Таиланд — 1-0-0 (1)
5. Ўзбекистон — 0-2-1 (3)
6. Баҳрайн — 0-2-0 (2)
7. Филиппин — 0-1-1 (2)
8. Қирғизистон — 0-0-3 (3)
9. Камбоджа — 0-0-1 (1)
9. Индонезия — 0-0-1 (1)
9. Ҳиндистон — 0-0-1 (1)
9. Япония — 0-0-1 (1)
9. Жанубий Корея — 0-0-1 (1)
9. Покистон — 0-0-1 (1).

Жами олти вазн тоифасида медаллар ўйинга қўйилди: тўрттаси эркаклар, иккитаси аёллар ўртасидаги беллашувларга тўғри келди.