Осиё чемпионати. Терма жамоамиз ҳисобига 2 та кумуш медал қўшилди!

Ва ниҳоят, Осиё чемпионатининг ҳал қилувчи финал жангларига ҳам етиб келдик.

Хабарингиз бор, қитъа  чемпионлиги учун 7 нафар боксчимиз баҳс юритади ва биринчи бўлиб,  -75 кгдаги вакиламиз Азиза Зокирова рингга кўтарилди. У хитойлик  Бао Цзига қарши баҳс юритди. Дастлабки 2 раундда Зокирова устунликни сақлаб турган эди.  Бироқ 3 раундда Бао Цзи босимни оширди ва ҳакамлар 2:3 ҳисобидаги ғалабани Хитой вакиласига тақдим этди. Шу тариқа вакиламиз кумуш медали билан мусобақани якунлади.

80 кг вазндаги вакиламиз Руҳшона Парпиевага қозоғистонлик тажрибали Надежда Рябец рақиблик қилди. Ёш боксчимиз жиддий рақибасига қарши астойдил ҳаракат қилди. Бироқ якунда,  0:5 ҳисобида имкониятни бой бериб қўйди. Парпиева терма жамоамизга иккинчи кумуш медални тақдим этди.

Шу тариқа ҳамюртларимиз иштирокидаги бугунги баҳслар якунланди. Бу ҳақда Ўзбекистон бокс федерацияси хабар бермоқда.