Осиё чемпионати. Боксчиларимиз Таиландни "ёндирмоқда"

Хабарингиз бор, 30 июлдан 12 августга қадар Таиланднинг Бангкок шаҳри 22 ёшгача бўлган боксчилар ва ёшлар ўртасида Осиё чемпионатига мезбонлик қилади.

Бугун ёшларимиз эрталабки дастурда баҳс олиб борган бўлса, 22 ёшгача бўлган вакилларимиз куннинг иккинчи қисмида, чорак финалда рингга кўтарилди.

-55 кг да Абдулазиз Абдуназаров 1-раунддаёқ Гонг Конг вакили Кит Фу Тангни техник нокаутга учратди;

-60 кг да Абдураҳмон Маҳмуджонов қирғизистонлик Эрлан Эргашовни 5:0 ҳисобида мағлуб этди;

-65 кг да Жаҳонгир Зайниддинов мезбон Наттҳангпонг Пимсенни 5:0 ҳисобида енгиб, чорак финалга йўл олди.

 -48 кг да Робияхон Бахтиёрова Шри-Ланка вакиласи Чатҳури Сиривардадан 5:0 ҳисобида устун келиб, ярим финалга чиқди;

-51 кг да Гулсевар Ганиева хитойлик Жуня Фенгни 5:0 ҳисобида мағлуб этиб, ярим финал йўлланмасини қўлга киритди.

-54 кг даги чорак финалларнинг яна бирида, Узукжамол Юнусова япониялик Сеина Адачини қийинчиликсиз енгди - 5:0.

-57 кг да Хуморабону Мамажонова индонезиялик Нурул Изза Нукуҳеҳени иккинчи раундда техник нокаутга учратди.