Ўртоқлик ўйинлари. "Андижон" Россия клуби билан дуранг ўйнади, "Локомотив" эса "Машъал"ни мағлуб этди

Суперлига баҳслари Жаҳон чемпионати сабаб юзага келган танаффусдан сўнг қайта бошланиш арафасида. Жамоалар тайёргарлик доирасида ўртоқлик учрашувларида иштирок этмоқда.

Жумладан, "Андижон" Россиянинг "Енисей" клуби билан 1:1 ҳисобида дуранг ўйнади. Жамоанинг ягона голига Пўлатхўжа Холдорхонов муаллифлик қилди.

Шунингдек, "Локомотив" "Машъал" билан баҳс олиб бориб, 4:2 ҳисобида ғалаба қозонди. Учрашув давомида голларга Илол Тўплиев (13, 1:0), Маҳмуд Жўрабоев (39, 1:1), Олег Зотеев (52, 2:1), Зафар Акрамов (61, автогол, 3:1), Илья Еличич (71, 4:1) ва Маҳмуд Жўрабоев муаллифлик қилди.

Маълумот учун, Суперлига баҳслари 16 июль куни қайта старт олади.