Ўртоқлик ўйини. Германия Гана устидан қийин ғалабани қўлга киритди

Терма жамоалар март ойидаги ФИФА кунлари доирасида бир қатор ўртоқлик ўйинларини ўтказмоқда.

Жумладан, Германия қийин кечган баҳсда Гана устидан 2:1 ҳисобида ғалаба қозонди.

Дастлаб, биринчи бўлимга қўшиб берилган дақиқаларда Кай Ҳаверц пенальтидан аниқ зарба йўллаб, ҳисобни очди. 70-дақиқада Фатайу ҳисобни тенглаштирди. Аммо 88-дақиқада Ундав ҳал қилувчи голни киритиб, немисларни яна олдинга олиб чиқди — 2:1.

Шу тариқа, Юлиан Нагелсманн шогирдлари мазкур йиғин доирасида ўтказилган икки учрашувда ҳам ғалаба қозонди.