"Олтин тўп"ни ким олади?

"Олтин тўп" соврини учун аллақачон асосий бешта даъвогар маълум, аммо ўринли савол туғилади. 

Бу йил мазкур соврин кимга насиб этади? Келинг шу беш номзодни олиш имкониятлари кўриб чиқамиз.

1. Рафинья Диаз: Бразилиялик футболчи Саудияга кетилиши кутилаётган эди.  Шунингдек, унинг ўзи ҳам интервьюларида буни очиқ айтаётган эди.  Бироқ Каталон жамоасига Хавидан кейин Ханси Флик келиб "кўк-анорранглилар"нинг муҳитини тамомила ўзгартириб  юборди шу аснода Рафиняь ҳам ва кутилмаганда ўзгача ўйинлар кўрсатишни бошлади. 

Ҳаттоки жамоа сардорига айланишга улгурди у гол+ассистлар бўйича жамоа афсонаси Лионель Мессини ортда қолдирди. Муҳим ўйинларда ўзини кўрсатди, гол урди,  голли узатма амалга оширди. Рафинья “Олтин тўп”нинг асосий фаворити ҳисобланар эди, бироқ вақт ўтиши билан унинг рақобатчилари етиб олишди.  Шу билан бирга, бразилиялик футболчининг 57 ўйинда 34+25 кўрсаткичи бўлган фантастик статистикасини қайд этмасдан иложи йўқ. 

2. Навбатдаги номзод эса Англиянинг "Ливерпуль" клубида ўзининг сермаҳсул ўйинларини кўрсатаётган Муҳаммад Салоҳ бўлиб турибди. Футболчи 33 ёш бўлишига қарамай, мухлисларни ҳамон ўз ўйинлари билан хурсанд қилиб келмоқда. Юрген Клопп "Ливерпуль"ни тарк этганидан сўнг, кўпчилик мерсисайдликлар ва айниқса Салоҳ мавсумни унчалик муваффақиятли ўтказмаслигини башорат қилганди, аммо мисрлик иккинчи ёшликни бошдан кечирмоқда.  Ўтган мавсумда 52 та ўйинда 34 та гол ва 23 та голли узатма, шунингдек, жамоаси билан Англия кубоги,  Англия Суперкубогини ютишга муваффақ бўлди. "Ливерпуль" клуби ҳам худди "Барселона"дек Клублар ўртасидаги Жаҳон чемпионатида қатнаша олмади.  Айнан шу сабабли ҳам мисрлик вингернинг "Олтин тўп"ни олиш имконияти камроқ деб баҳоланмоқда. 

3. Эндиги навбат эса ҳозирда асосан захирадан майдонга тушаётган, француз Килиан Мбаппе.  26 ёшли форвард ўтган мавсум бошида "қироллик клуби"га келиб қўшилганиганига қарамай, бир қатор голларга муаллифлик қилди.  Вақт ўтиши билан Мбаппе  "Реал Мадрид"га кўникиб қолди ва жамоа либосида 58 ўйинда 44 та гол урди. Бундан ташқари, ҳужумчи бешта голли узатмани амалга оширди. Афсуски, мавсум “Реал” учун омадсиз кечди.  Жамоа фақат битта совринни қўлга киритди. Кетма-кет 4 та "Эл-Класико"га ютқазди. Шунга қарамай, “Реал Мадрид” клублар ўртасидаги жаҳон чемпионатида ғолиблик учун курашни давом эттираётганини алоҳида таъкидлаш жоиз. 

4. Ушбу ўринда "Барселона"нинг ва айни дам трансферлар ойнасида энг қиммат футболчи сифатида қайд этилаётган Ламин Ямал эгаллаган. Испаниялик футболчи гарчанд УЕФА чемпионлар лигаси кубогини ютиш насиб этмаган бўлсада, унинг совринлари қаторида Евро 2024, Испания кубоги, Испания Суперкубоги кабилар бор. Бутун мавсум давомида Ямал 55 та ўйин ўтказиб, 18 та гол урди ва 25 та голли узатмани амалга оширди.

Ниҳоят кучли бешликни якунловчи футболчи Усмон Дембелега етиб келдик. УЕФА Чемпионлар лигаси доирасида ўзининг собиқ жамоаси "Барселона" га гол урганидан сўнг каталониялик мухлисларининг нафратига учраган франциялик футболчи парижликлар сафида тўртта совринни қўлга киритди ва энди клублар ўртасидаги жаҳон чемпионатида ғолиблик сари ишонч билан бормоқда.  28 ёшли футболчи ПСЖ либосида 51 та ўйинда 34 та гол урди ва 15 та голли узатмани амалга оширган.

Оғабек Хурсанов