"Олд Траффорд" фасадидан Роналдунинг сурати олиб ташланди

Криштиану Роналду "Манчестер Юнайтед" обрўсига жиддий зарар етказди. Яқинда португалиялик форвард интервью бериб, клубни танқид қилди ва раҳбарият уни клубдан кеткизишга ҳаракат қилаётгани ҳақида гапирган. “Қизил иблислар” барча фактлар аниқлангач, Роналдунинг сўзларига жавоб қайтаришини айтд. Бироқ манкунианликлар футболчининг сўзларига бошқача йўл билан реакция билдиришди.

"Олд Траффорд" фасадидан Криштиану Роналдунинг суратини олиб ташланди, деб хабар беради "Daily Express" нашри.

Олдинроқ Криштиану Роналду бир миллион фунт жаримага тортилиши ҳақида хабар берилганди.

Эслатиб ўтамиз, Криштиану Роналдунинг "Манчестер Юнайтед" билан шартномаси мавсум охиригача амал қилади.