ОЧЛ. "Навбаҳор" Эронда "Нассажи"ни мағлуб этди ва деярли кейинги босқич масаласини ҳал қилди

Осиё чемпионлар лигаси гуруҳ босқич 4-туридан ўрин олган "Нассажи Мозандарон" - "Навбаҳор" учрашуви якунига етди. Унда ҳамюртларимиз ишончли 1:3 ҳисобида зафар қучди. 

Икки голга Остон Ўрунов муаллифлик қилди, яна бир гол эса Игорь Голбан номига қайд этилди. Майдон эгаларининг ягона голини Муҳаммадризо Озоди киритди.

Шу тариқа, "лочинлар" очколари сонини 10 тага етказиб, гуруҳда иккинчи ўринда қолди. Эронликлар ҳисобида 3 очко мавжуд ва улар 3-поғонадан жой олган. 

Самвел Бабаян шогирдлари ушбу ғалаба эвазига деярли плей-офф масаласини ҳал қилди. Энди улар "Ал-Ҳилол" билан гуруҳ ғолиблиги учун кураш олиб боради. 

Иккинчи ўринни олган тақдирда ҳам наманганликларнинг очколари эвазига гуруҳдан чиқиши кутилмоқда. Бироқ воқеалар ривожи тубдан ўзгариб кетиш эҳтимоли ҳам йўқ эмас. Шу боис масала тўла ҳал этилганича йўқ.

{game}4309021{/game}