Ўзбекистонлик теннисчи катта мукофотли турнирда рақибасини 86 дақиқада таслим қилди
- 18-октябр, 19:20
- Zohir Toshxo’jayev
- 0
- Теннис
Ўзбекистон шарафини ҳимоя қилаётган Полина Кудерметова Хитойнинг Нинбо шаҳрида ўтаётган WTA 500 тоифасидаги турнирнинг асосий босқичига йўл олди.
Полина саралаш финалида россиялик Анастасия Захаровани йирик ҳисобда мағлуб этди. Учрашув икки сетда якунланди – Кудерметова 6:3, 6:3 ҳисобида зафар қучди. Беллашув 1 соат 26 дақиқа давом этди.
Полина ўйин давомида тўққиз марта "эйс" узатма йўллади, олти марта икки карра хатога йўл қўйди ва брейк қилиш учун берилган 12 имкониятдан бештасини ишга сола олди.
Захарова эса икки марта "эйс" амалга оширди, етти марта икки карра хатога йўл қўйди ва тўрт брейк имкониятидан иккитасидан фойдаланди.
BNB Ningbo Open турнирининг асосий босқичи 19–25 октябрь кунлари Хитойнинг Нинбо шаҳридаги хард қопламали кортларда ўтказилади. Турнирнинг мукофот жамғармаси жамғармаси 1 206 446 долларни ташкил этади.