Ўзбекистон терма жамоасининг ҳақиқий кучига баҳо беришди
- 8-октябр, 06:17
- Zohir Toshxo’jayev
- 0
- Футбол
Ўзбекистон миллий терма жамоаси жаҳон чемпионатидаги тарихий иштирокидан кейин учта ўртоқлик учрашуви ўтказди. Ўз мухлислари кўз ўнгидаги Эронни 3:1 ва Сурияни 4:1 ҳисобида мағлуб этганидан кейин Фабио Каннаваро шогирдлари Жанубий Корея майдонида 0:2 ҳисобида ютқазди.
Таниқлик журналист Николай Егоричев айнан Жанубий Кореяга қарши ўртоқлик учрашуви миллий терма жамоанинг ҳозирги реал салоҳиятини яққол намойиш этди, деган фикрни илгари сурди.
- Изоҳларда кўпчилик Осиё кубогида Ўзбекистон камида ярим финалгача етиб бориши шарт, деган фикрни ёзган. Гарчи тарихда бу босқичга фақат бир марта чиқилган бўлса-да, шундай кутилмалар бор.
Аслида эса Жанубий Кореяга қарши ўртоқлик ўйини — яқинлашиб келаётган қитъа чемпионати олдидан имкониятларимизни баҳолаш учун энг тўғри мезон. Корея терма жамоаси XXI асрда етти марта иштирок этган Осиё кубогининг бештасида ярим финалгача етиб келган, яна икки марта чорак финалда тўхтаган.
Мен Фабио Каннаварони танқид қилиш тарафдори эмасман, лекин унга кўр-кўрона ишонадиганлар сафида ҳам эмасман. Имконият доирасидан ташқарига чиқиб бўлмайди. Шунинг учун Осиё кубогида ярим финалга чиқишни олдиндан кафолатланган мақсад сифатида кўрмасдан, кўпроқ жамоанинг ўйин сифатига эътибор қаратиш керак, деб ўйлайман.
Ахир ўтган Осиё кубогида ҳам Сречко Катанец қўл остидаги Ўзбекистон термаси жуда яхши таассурот қолдирганди, аммо Қатарга қарши пенальтилар сериясида мағлуб бўлиб мусобақани тарк этган, — деб ёзади журналист ўз телеграм-каналида.
Эслатиб ўтамиз, 6 октябрь куни Жанубий Кореянинг «Yongin Mireu» стадионида бўлиб ўтган ўртоқлик учрашувида Ўзбекистон терма жамоаси мезбонларга қарши фаол ўйнаган бўлса-да, барибир 0:2 ҳисобида енгилди. Бу беллашув Фабио Каннаваро шогирдлари учун ФИФАнинг кузги ойнаси доирасидаги сўнгги ўйин бўлди.
Ҳусанов кутилмаган хушхабар олди!
“Андижон” футболчиси Европадан машҳур клуб танлади!
Ўзбек футболчисига Европа клубида катта талаб қўйилди
“Трансфер бомбаси”: Европанинг 100 йиллик клуби нега ўзбек футболчисини олди?
ФИФА мундиалда Ўзбекистонга қарши ўйнаган терма жамоага ён босгани ошкор бўлди