Ўзбекистон Португалияни ютиши мумкин, Роналду рақибнинг энг катта муаммоси!
- 22-июн, 13:48
- Zohir Toshxo’jayev
- 0
- Футбол
Ўзбекистон миллий жамоасининг собиқ футболчиси Илёс Зейтуллаев жаҳон чемпионати гуруҳ босқичида Португалия термасига қарши бўладиган учрашув олдидан ўз фикрларини билдирди.
Ўз вақтида Европа футболида танилган ўзбекистонлик чарм тўп устасининг таъкидлашича, ҳозирги терма жамоада португалияликларни енгиш имконияти бор.
- Ўзбекистоннинг Португалияга қарши ўйинда ғалаба қозониш имконияти бор. Мен ижобий фикрлашни истайман. Ўйин бошланмасидан олдин таслим бўлиш мумкин эмас, – дед Илёс Зейтуллаев.
Бундан ташқари, Зейтуллаев жаҳон футболида энг кўп гол урган Криштиану Роналдунинг мундиалдаги иштироки бўйича ҳам гапирди. Айни пайтда мутахассисларнинг аксарияти 41 ёшли юлдузнинг терма жамоадаги ўрни ва аҳамиятини кенг муҳокама қилмоқда.
Айрим экспертлар Роналдунинг жисмоний имкониятлари аввалгидек эмаслигини ва унинг таркибда тўлиқ ўйнаётган ёш ўйинчиларга халақит қилаётганини таъкидламоқда.
Баъзилар эса. Криштиану бой тажрибаси ва тўпурарлик маҳорати билан терма жамоа учун ўта зарур фигура эканини айтмоқда.
Илёс Зейтуллаев ҳам Криштиану Роналдунинг Португалия терма жамоасига таъсири ҳақида ўз позициясини билдириб ўтди.
- Криштианунинг номи ўзиёқ жамоага кучли таъсир қилади. Буни ўйинчининг ўзи ҳам англаши керак. Лекин Роналдунинг 90 дақиқа давомида майдонда қолиши – Португалия терма жамоасининг энг катта муаммоси, – деди Илёс Зейтуллаев Metaratings.ru сайтига берган интервьюсида.
Жаҳон чемпионати гуруҳ босқичидаги илк учрашувда Португалия терма жамоаси кутилмаганда Конго Демократик Республикаси футболчилари билан 1:1 ҳисобида дуранг ўйнади. Ўзбекистон миллий терма жамоаси эса, мундиалдаги илк ўйинида Колумбияга 1:3 ҳисобида ютқазди. Роберто Мартинес шогирдларининг Фабио Каннаваро жамоасига қарши ўйини 23 июнь куни АҚШнинг Хьюстон шаҳрида бўлиб ўтади. Учрашув Тошкент вақти билан 22:00 да бошланади.
Машҳур футболчи: Ўзбекистон Португалиянинг асабини ўйнайди
Роналду Ўзбекистонга қарши ўйин олдидан баёнот берди
Ўзбекистонга қимматли маслаҳат: Португалияни қандай тўхтатиш мумкин?
Майкл Оуэн Ўзбекистон ўйинига муносабат билдирди
Голдан кейин Файзуллаевга мурожаат бўлди
Португалия юлдузи Ўзбекистон билан бўладиган тўқнашув ҳақида қаттиқ гапирди
Ана тезлик! Ҳусанов Мбаппедан анча ўзиб кетди!
Шомуродов бизга гол урган! Яна бир суперклуб Элдор учун курашга қўшилди
Эксперт: Ҳусанов ҳозир Роналдудан кучли!
Файзуллаев бир гол билан колумбиялик қизлар ёқимтойига айланди
Ўзбекистоннинг мағлубиятдан кейинги иши мексикаликларни ҳайратга солди