Ўзбекистон Осиё ўйинларида 12-кунги баҳслардан сўнг медаллар жадвалидаги ўрнини билиб олди

Ўзбекистон терма жамоаси Аичи ва Нагоя шаҳарларида (Япония) ўтаётган ёзги Осиё ўйинларининг умумий медаллар ҳисобида тўртинчи поғонадан жой олгани ҳақида Sports.uz хабар беради.

Мусобақанинг 12-куни якунига кўра, ўзбекистонлик спортчилар жами 56 та медални қўлга киритди. Шулардан 16 таси — олтин, 21 таси — кумуш, 19 таси — бронза медаллардир.

1 октябрь куни юнон-рум кураши бўйича беллашувларда Алишер Ғаниев кумуш медалга сазовор бўлди. У 60 килограмм вазн тоифасидаги финал баҳсида Қирғизистон вакили Жоламан Шаршенбековга қарши кураш олиб борди ва 5:7 ҳисобида мағлубиятга учради.

Кун доирасида яна бир кумуш медални дзюдо бўйича терма жамоа аъзоси Шаҳрам Аҳадов қўлга киритди. У 73 килограммгача бўлган вазн тоифасидаги ҳал қилувчи баҳсда БАА спортчисига имкониятни бой берди ва мусобақани иккинчи ўрин билан якунлади.

Умумий медаллар жадвалида Ўзбекистондан юқори поғоналарни Хитой, Япония ва Жанубий Корея эгаллаб турибди. Уларнинг ҳисобида мос равишда 154, 59 ва 30 та олтин медаль бор. 

Ўзбекистон терма жамоасининг энг яқин таъқибчиси — 12 та олтин, 17 та кумуш ва 13 та бронза медалига эга бўлган Эрон бўлиб, бешинчи ўринни эгаллаб турибди.