Ўзбекистон футболчиси мундиалдаги омадсизликдан кейин терма жамоадан кетди
- 29-июн, 07:27
- Zohir Toshxo’jayev
- 0
- Футбол
Ўзбекистон миллий жамоаси таркибида тўп суриб келган ҳимоячи Умар Эшмуродов терма жамоадаги фаолиятини якунлаганини маълум қилди.
33 ёшли футболчи бу ҳақда жаҳон чемпионати саралаш босқичидан сўнг ўзининг Instagram саҳифасида эълон қилди. Эшмуродов ўз мурожаатида қуйидаги сўзларни ёзди: "Миллий жамоа — орзу, шараф, ифтихор ва қадр-қиммат… Энди мен йўлимни мухлис сифатида давом эттираман. Олға, Ўзбекистон!".
Умар Эшмуродов Ўзбекистон терма жамоасида дебютини 2020 йилда ўтказган. Шу вақт мобайнида у миллий жамоа сафида 39 та ўйинда майдонга тушишга муваффақ бўлди. Жаҳон чемпионати гуруҳ босқичида эса тажрибали ҳимоячи уч учрашувда ҳам захирада қолдирилди.
Умуман олганда, бош мураббий Фабио Каннаваро жаҳон чемпионати қайдномасига 26 нафар футболчини киритган эди. "К" гуруҳида Колумбия, Португалия ва Конго Демократик Республикаси миллий терма жамоаларига қарши ўтказилган баҳсларда жами 23 нафар футболчи майдонга тушди. Терма жамоанинг фақат уч нафар аъзоси - дарвозабон Ботирали Эргашев, ҳимоячи Умар Эшмуродов, шунингдек ярим ҳимоячи Авазбек Ўлмасалиевга бир дақиқа ҳам ўйин амалиёти берилмади.
Умар Эшмуродов Ғузорнинг "Шўртан" клуби тарбияланувчиси ҳисобланади. Тажрибали ҳимоячи клублар миқёсида Ўзбекистонда "Насаф" ва "Пахтакор" жамоалари шарафини ҳимоя қилган. Шунингдек, легионер сифатида Малайзиянинг "Селангор" клубида ҳам фаолият юритган.
Эшмуродов 2025 йилнинг январидан бери "Гасаф"да ўйнаяпти ва бундан буён бор эътиборини клубдаги ўйинларига қаратади.
Гол урган ўзбек футболчиси аламли мағлубият сабабларини айтди
ФИФА: Шомуродовдан супергол! Элдор Месси ва Мбаппе билан рақобатлашадиган бўлди
Ўзбекистон кейинги босқичга чиқиши керак, деб ҳисоблардим! Каннаваронинг энг катта хатоси очиқ айтилди
Шомуродов мундиалдаги омадсизлик сабабларини келтириб ташлади
Шомуродов Каннаваро ҳақида кутилмаган фикр билдирди!