Ўзбекистон бўйича жиддий хулоса қилишга ҳали эрта!

Ўзбекистон миллий терма жамоаси 2026 йилги жаҳон чемпионатидаги дебютига қизғин ҳозирлик кўрмоқда. Мамлакат тарихида илк бор мундиалга йўл олган жамоа атрофидаги қизиқиш ортиб борар экан, Ўзбекистонда ишлаган машҳур мутахассис Андрей Канчельскис ҳам ўз фикрлари билан ўртоқлашди.

- Мен бу мамлакатда ишлаганман, шунинг учун уларнинг ўйинларини албатта кузатаман. Терма жамоанинг имкониятлари ҳақида жиддий хулоса қилиш учун камида гуруҳ босқичи тугашини кутиш керак. 

Агар ўзбекдао гуруҳдан чиқса, шунда аниқроқ гапириш мумкин бўлади. Ҳозирча эса “қандоқ бўларкан?” деб башорат қилишнинг ҳеч қандай маъноси йўқ, – деди Андрей Канчельскис. 

Россия футболининг яна бир вакили "Локомотив Москва" жамоаси ярим ҳимоячиси Никита Салтиков  ҳам футбол бўйича жаҳон чемпионатида Ўзбекистон терма жамоаси ғолиб чиқишига ишонч билдирди, деб хабар бермоқда Sport-express.ru нашри. 

- Жаҳон чемпионатида Ўзбекистон ғолиб бўлсин. Улар учун жон куйдираман. Нега дейсизми? Улар – бизнинг биродарларимиз, — деди Никита Салтиков интервью давомида.

Эслатиб ўтамиз, 11 июндан бошланган жаҳон чемпионати 19 июлига қадар АҚШ, Канада ва Мексика ҳудудларида ўтказилади. 

Ўзбекистон терма жамоаси "K" гуруҳида Колумбия, Португалия ва Конго Демократик Республикасижамоаларига қарши майдонга тушади. 

Жадвалга кўра, Фабио Каннаваро бошқарувидаги Ўзбекистон терма жамоаси пайшанба, 18 июнь куни Колумбияга қарши саф тортади. Шундан сўнг миллий жамоа Португалия ва Конго футболчиларига қарши баҳс олиб боради.

Шотландиядаги юлдузга Ўзбекистон учун ўйнаш таклиф қилинди

Испанияда ўйнаган юлдуз Ўзбекистонни плей-оффда кутяпти

Ҳушёр бўлинг, Ўзбекистоннинг икки устуни бор!

Бу тасодиф эмас! Ўзбекистонга қандай баҳо берилди?