Ўз ишини эплолмаган Роналду Ўзбекистонга қарши майдонга тушадими?

Жаҳон чемпионати гуруҳ босқичи биринчи турида Португалия терма жамоаси ДР Конгога қарши баҳсда ғалабани қўлдан чиқарди – учрашув 1:1 ҳисобида якунланди.

41 ёшли Криштиану Роналду асосий таркибда майдонга тушди ва беллашувни тўлиқ ўтказди. Шунга қарамай, у жамоасига ҳал қилувчи ғалабани олиб кела олмади. Қолаверса, машҳур юлдуз учрашувнинг энг ёмон ўйинчиси сифатида эътироф этилди. 

Ўйиндан сўнг журналистлар Португалия терма жамоаси бош мураббийи Роберто Мартинесдан тажрибали ҳужумчининг тўлиқ ўйиндан кейинги ҳолати ҳақида сўрашди.

- Роналду 90 дақиқа тўлиқ ўйнади, лекин кейинги ўйин уч кундан кейин эмас, олти кундан кейин бўлади. Ўйлайманки, ёндашувимиз ўзгармайди. Энг муҳими – барча футболчилар жисмоний жиҳатдан энг юқори ҳолатда қолиши. 

Биз Роналдунинг ёшига қараб баҳоламаймиз, биз учун унинг майдонда кўрсатаётган таъсири асосий ўринда туради, – деди Роберто Мартинес.

Португалия – Ўзбекистон учрашуви 23 июнь куни бўлиб ўтади. Беллашув бошланиши Тошкент вақти билан соат 20:00 га белгиланган.