Нойер "Бавария"нинг ЕЧЛдаги рақиблари ҳақида қандай фикрда?

"Бавария" дарвозабони Мануэль Нойер Чемпионлар Лигаси умумий босқичи қуръасининг натижалари ҳақида фикр билдирди. 

Мюнхенликлар "Челси", ПСЖ, "Брюгге", "Арсенал", "Спортинг", ПСВ, "Юнион Цент-Жиллуаз" ва "Пафос" жамоалари билан тўқнашади.

- "Челси" доимо кучли рақиб - улар яқинда клублар ўртасидаги жаҳон чемпионатида ғолиб бўлишди. ПСЖ билан кўп учрашганмиз - энг кучлилар билан ўйнаш завқли. "Брюгге" муаммосиз саралашдан ўтди ва мураббийимиз бизни бу ўйинга ҳам, "Юнион"га қарши ўйинга ҳам яхшилаб тайёрлайди. "Арсенал" ҳам жуда кучли - бизга яхши позицион ўйин ва тўп билан жасорат керак бўлади. "Спортинг" билан камдан-кам учрашганмиз, ПСВ эса Нидерландия чемпиони бўлиб, таркибида доим немис футболчилари бор. Биринчи марта иштирок этаётган "Юнион" ва "Пафос"ни ҳам паст баҳоламаслик керак, - дея Нойернинг сўзларини келтиради Bayern & Germany.

Ўтган мавсумда Чемпионлар лигасида "Бавария" чорак финалгача етиб борган, аммо Миланнинг "Интер" жамоасига мағлуб бўлган эди.