Нойер "Бавария" билан шартномасини узайтиради

Мануэль Нойер "Бавария" билан янги шартнома бўйича тўлиқ келишувга эришди.

"Sky Sport" хабарига кўра, 40 ёшли дарвозабоннинг янги битими 2027 йил ёзига қадар амал қилади.

Томонлар шартномани 16 май, шанба куни бўлиб ўтадиган "Кёльн"га қарши учрашувдан олдин имзолашни режалаштирмоқда. Бу ўйин мюнхенликлар учун мавсумдаги сўнгги уй учрашуви бўлади.

Шунингдек, Йонас Урбиг жамоанинг иккинчи дарвозабони сифатида қолади ва келаси мавсумда кўпроқ ўйин амалиётига эга бўлиши кутилмоқда. Свен Ульрайх ҳам жамоада қолади.