Норвегиялик футболчилар зўр экан! “Арсенал” илк таклифни тайёрлаяпти
- 23-июл, 10:38
- Zohir Toshxo’jayev
- 0
- Футбол
Англиянинг амалдаги чемпиони “Арсенал” клуби раҳбарияти Бундеслига вакили “РБ Лейпциг” ва Норвегия терма жамоаси ярим ҳимоячиси Антонио Нусани нишонга олди.
CaughtOffside нашри маълумотига кўра, Лондон клубининг футболчига бўлган қизиқиши кун сайин ортиб бормоқда.
“Тўпчилар” футболчи учун 40 миллион евро миқдорида таклиф тайёрламоқда.
Бироқ бу сумма немисларни қониқтирмаслиги аниқ. Чунки “РБ Лейпциг” ўз футболчисининг трансферидан камида 60 миллион евро ишлаб топишни истамоқда.
Норвегиялик ярим ҳимоячи вазиятини “Ньюкасл” ва “Ювентус” каби нуфузли клублар ҳам кузатиб бормоқда.
Антонио Нуса 2024 йилда “Брюгге”дан “РБ Лейпциг” клубига 21 миллион евро эвазига ўтган эди. Унинг шартномаси 2029 йил 30 июнгача амал қилади.
2025/2026 йилги мавсумда футболчи Германия клуби сафида барча мусобақаларда 35 та ўйинда иштирок этиб, 5 та гол ва 4 та голли узатма амалга оширган.