Нгумоа 16 ёшида ғалаба голини киритган АПЛдаги иккинчи футболчи бўлди

Рио Нгумоа 16 ёшида АПЛда ғалаба голини урган иккинчи футболчи бўлди.

"Ливерпуль" вингери Англия премьер-лигасининг 2-тур ўйинида "Ньюкасл"га қарши учрашувнинг 100-дақиқасида гол уриб, жамоасига ғалаба келтирди (3:2). У бу ишни 16 ёш 361 кунлигида амалга оширди.

Рекорд Уэйн Рунига тегишли бўлиб, у "Эвертон" сафида 16 ёш 360 кунлигида Премьер-лигадаги илк ғалаба голини урган эди.

Нгумоа 2024 йилнинг ёзида "Челси"дан "Ливерпуль"га ўтган эди. "Ньюкасл" билан ўйин унинг катталар даражасидаги иккинчи учрашувига айланди.