Неймар машҳур юлдузнинг ўғлига қўл кўтарди
- 4-май, 19:09
- Zohir Toshxo’jayev
- 0
- Футбол
Бразилиялик машҳур футболчи Неймар “Сантос” машғулотларидан бирида можаро марказида қолди, деб хабар беради Globo нашри.
Манба маълумотига кўра, 34 ёшли ҳужумч машғулот вақтида Бразилия футболи юлдузи Робиньонинг 18 ёшли ўғлини чалиб йиқитди. Шундан сўнг улар ўртасида оғзаки тортишув юз берди.
Неймар ёш футболчи уни алдаб ўтиб кетгани ва “секинроқ ўйна” деган илтимосини инобатга олмаганидан кейин ўзини ҳурматсизликка учраган деб ҳисоблаб, ғазаби қўзиган.
Шундан кейин улар ўртасида жанжал юз бериб, Неймар ярим ҳимоячини туртиб юборди ва ҳатто юзига урди. Кейинчалик Неймар базага қайтиб, ёш футболчи билан гаплашди ва ўзининг ҳаяжонли реакцияси учун узр сўради. Қайд этилишича, можаро бартараф этилган.
“Сантос” клуби мутасаддилари ва кичик Робиньонинг агенти вазият бўйича изоҳ беришдан бош тортди. Неймар атрофидагилар эса бу ҳолатдан “хабардор эмасликларини” билдиришди.
“Сантос” 6 май куни Жанубий Америка кубоги гуруҳ босқичида Парагвайнинг “Реколета” жамоасига қарши ўйнайди.