Франциялик қанот ҳужумчиси Брэдли Барколанинг “Пари Сен-Жермен”дан “Ливерпуль”га трансфери ҳозирча футбол тарихидаги энг қиммат трансферлар ўнлигига кирди.
Transfermarkt статистик портали маълумотига кўра, Барколанинг 125 миллион евро эвазига амалга оширилган трансфери футбол тарихидаги қиймати энг юқори бўлган 10-трансферга айланди.
Худди шундай суммани Мадриднинг “Реал” клуби жорий ёзда “РБ Лейпциг” вингери Ян Диоманде трансфери учун тўлаган. Шунингдек, “Ливерпуль” бир йил аввал “Байер”дан Флориан Вирцни олиб келиш учун ҳам 125 миллион евро сарфлаган эди.
Рекорд ҳали ҳам тўққиз йил аввал Неймарнинг “Барселона”дан ПСЖга 222 миллион евро эвазига ўтган трансферига тегишли.
Transfermarkt версиясига кўра футбол тарихидаги энг қиммат 10 та трансфер:
- Неймар (Бразилия) — “Барселона”дан ПСЖга — € 222 млн.
- Килиан Мбаппе (Франция) — “Монако”дан ПСЖга — €180 млн.
- Усмон Дембеле (Франция) — Дортмунднинг “Боруссия”сидан “Барселона”га — €148 млн.
- Александер Исак (Швеция) — “Ньюкасл Юнайтед”дан “Ливерпуль”га — €145 млн.
- Морган Рожерс (Англия) — “Астон Вилла”дан “Челси”га — €138 млн.
- Эллиот Андерсон (Англия) — “Ноттингем Форест”дан “Манчестер Сити”га — €135 млн.
- Филиппе Коутиньо (Бразилия) — “Ливерпуль”дан “Барселона”га — €135 млн.
- Жоау Феликс (Португалия) — “Бенфика”дан “Атлетико”га — €127,2 млн.
- Жуд Беллингем (Англия) — Дортмунднинг “Боруссия”сидан “Реал” Мадридга — €127 млн.
- Брэдли Баркола (Франция) — ПСЖдан “Ливерпуль”га — €125 млн.
- Ян Диоманде (Кот-д’Ивуар) — “РБ Лейпциг”дан “Реал” Мадридга — €125 млн.
- Флориан Вирц (Германия) — “Байер”дан “Ливерпуль”га — €125 млн.