Майкл Оуэн Ўзбекистон ўйинига муносабат билдирди
- 22-июн, 08:11
- Zohir Toshxo’jayev
- 0
- Футбол
2026 йилги жаҳон чемпионатининг "К" гуруҳидаги иккинчи тур доирасида ўтказиладиган Ўзбекистон ва Португалия миллий терма жамоаларининг ўзаро ўйин кўпчиликнинг диққат марказида турибди.
Сабби Ўзбекистон мундиал дебютанти сифатида жаҳондаги аксарият мухлису мутахассисларни ҳали очилмаган қирралари билан ўзига жалб этмоқда.
Олтинчи бор жаҳон чемпионатида иштирок этиб, Лионель Месси билан бирга бу кўрсаткич бўйича рекорд ўрнатган Криштиану Роналду бошчилигидаги Португалия терма жамоаси эса кутилмаган натижаси билан ҳаммани ўзига қаратди.
Жаҳон чемпионлиги учун курашда фаворитлардан бири ҳисобланган португалияликлар гуруҳ босқичининг илк учрашувида Конго Демократик Республикаси футболчилари билан дуранг қайд этди. Бу натижа футбол жамоатчилиги томонидан сенсация сифатида қабйл қилинди. Энг муҳими, португалияликларнинг ва айниқса Роналдунинг бўш ўйини терма жамоа истиқболи ва салоҳиятини катта шубҳа остига қўйди.
Шу боис, португалияликларнинг иккинчи турдан ўрин олган Ўзбекистонга қарши ўйинига қизиқиш катта бўляпти.
Хусусан, жаҳон футболида афсона даражасига кўтарилган англиялик тўпурар Майкл Оуэн ҳам Ўзбекистон ва Португалия тўқнашуви юзасидан ўз фикр-мулоҳазаларини билдириб ўтди. Оуэн илгари ўзи билан "Манчестер Юнайтед"да бирга ўйнаган Криштиану Роналду биринчи турда конголиклар дарвозасига йўл топа олмаганига қарамай, Ўзбекистонга қарши баҳсда ўзини кўрсата олишига ишонмоқда.
- Португалиянинг биринчи ўйинидан олдин Лионель Мессининг Аргентина ўйинида учта гол ургани ҳам Роналдуни гол уришга илҳомлантира олмади. Бу ҳолатни қабул қилиш унга осон бўлмади.
Лекин мен Роналдуга бўлаётган танқидларга қўшилмайман. Ахир Криштиану доим шундай бўлмаганми? Айниқса, сўнгги йилларда. У ҳеч қачон жамоавий ўйинга жуда фаол қўшилмаган, аммо ҳал қилувчи пайтда майдондаги вазиятни бутунлай ўзгартира олган.
Роналду гол урмаганида ҳамма нарсада уни айблаш жуда осон. Лекин кейинги ўйиннинг ўзидаёқ у танқидчиларнинг овозини ўчирган ҳолат неча марта бўлган?
Ўзбекистон миллий терма жамоасига қарши ўйинда Криштиану Роналду хет-трик қайд этса, бунга умуман ажабланмайман, – деди Майкл Оуэн Goal нашрига берган интервьюсида.
Португалия ва Ўзбекистон миллий терма жамоалари ўртасидаги учрашув 23 июнь куни Тошкент вақти билан соат 22:00 да бошланади. Бу баҳсга АҚШнинг Хьюстон шаҳридаги ҳашаматли стадион мезбонлик қилади.
Машҳур футболчи: Ўзбекистон Португалиянинг асабини ўйнайди
Роналду Ўзбекистонга қарши ўйин олдидан баёнот берди
Майкл Оуэн Ўзбекистон ўйинига муносабат билдирди
Ўзбекистонга қимматли маслаҳат: Португалияни қандай тўхтатиш мумкин?
Голдан кейин Файзуллаевга мурожаат бўлди
Португалия юлдузи Ўзбекистон билан бўладиган тўқнашув ҳақида қаттиқ гапирди
Ана тезлик! Ҳусанов Мбаппедан анча ўзиб кетди!
Шомуродов бизга гол урган! Яна бир суперклуб Элдор учун курашга қўшилди
Эксперт: Ҳусанов ҳозир Роналдудан кучли!
Файзуллаев бир гол билан колумбиялик қизлар ёқимтойига айланди
Ўзбекистоннинг мағлубиятдан кейинги иши мексикаликларни ҳайратга солди