Неъматилло Қуттибоев: "Бизда гол урадиган футболчи топилмаяпти"

Про лиганинг 23-тур учрашувлари бошланди. Нукусда “Арал” мусобақа етакчиларидан бири “Машъал”ни қабул қилди. Баҳсда ҳисоб очилмади. Беллашувдан сўнг “Арал” бош мураббийи Неъматилло Қуттибоев қуйидагича фикр билдирди:

“Машъал” лидер, кучли жамоа. Бироқ футболчиларимиз ташаббусга эришиб, тўпни ўз назоратимизга олдик. Имкониятларни яратдик, лекин бизда гол урадиган футболчи топилмаяпти.

Таркибда ротацияга қўл уриб, бугун Арслан Юсупбаевни туширдик. Аммо у ҳам тўлиқ тайёр эмас, деб ўйлайман. Шунга қарамай, бугун яхши ўйнади. Ротация қилганимизга яраша футболчилар яхши ўйнашди, деб ўйлайман”, - деди Қуттибоев.