“Навбаҳор”да ишлаган мураббий “Манчестер Юнайтед”ни бошқармоқчи

Россиялик машҳур футболчи ва мураббий Андрей Канчельскис “Манчестер Юнайтед”да бош мураббий сифатида ишлаш орзуси борлигини айтди.

- Мен “Манчестер Юнайтед”нинг бош мураббийи бўлиб ишлаш учун фаолиятимда эришган барча совринларимни шу ишга алишган бўлардим. Ким ўша ерда ишлашни орзу қилмайди дейсиз?

Ҳар бир одамнинг ўз орзуси бор, лекин ҳеч ким уни очиқ айта олмайди. Ҳаммамиз ўзимиздан келиб чиқиб, орзу-ҳавас қиламиз, - деди Андрей Канчельскис.

Канчельскис Европадаги фаолияти давомида “Манчестер Юнайтед”, “Эвертон”, “Манчестер Сити”, “Фиорентина”, “Глазко Рейнжерс”, “Саутгемптон”да ўйнаган. Шунингдек, Саудия Арабистонида “Ал-Ҳилол” жамоасида тўп тепган.

Фаолияти давомида икки маротабадан Англия ва Шотландия чемпионлигини қўлга киритган. Умумий ҳисобда футболчи улароқ турли даражадаги 20 та совринга эга чиққан.

Андрей Канчельскис 2018-2019 ва 2019-2020 йиллар давомида икки маротаба “Навбаҳор” бош мураббийи бўлиб ишлаган.