"Навбаҳор" вингери Муҳаммадали Усмонов фаолиятини бошқа жамоада давом эттириши мумкин.
Маълумотларга кўра, 21 ёшли қанот ҳужумчисига Суперлиганинг бир қатор клублари қизиқиш билдирмоқда ва айни пайтда унинг олдида бир нечта таклифлар мавжуд. Келгуси кунларда футболчининг келажаги бўйича якуний қарор қабул қилиниши кутилмоқда.
Усмонов "Пахтакор" футбол академияси тарбияланувчиси ҳисобланади. У жорий йил бошида наманганликлар сафига қўшилган эди.
Маълумот учун, у бу мавсум Ўзбекистон Суперлигасида 9 та учрашувда иштирок этиб, битта гол ва битта голли узатмани қайд этган.
Изоҳлар (0)
Ҳозирча изоҳлар йўқ