"Навбаҳор" - "Ал-Ҳилол" ўйинига сотиб олган чиптангизни эҳтиёт қилинг, чунки...

Хабарингиз бор, Осиё Чемпионлар Лигаси (ОЧЛ)нинг 5-туридан ўрин олган баҳсда “Навбаҳор” жамоаси ўз майдонида “Ал-Ҳилол” (Саудия Арабистони)ни қабул қилади ва мазкур ўйин  учун чиқарилган чипталар нархи барча секторлар учун бир хил - 100.000 сўм этиб белгиланган.

Наманган вилояти ҳокими, вилоят футбол ассоциацияси президенти Шавкатжон Шокиржанович Абдураззоқов ва “Навбаҳор” ПФК раҳбарияти саъй-ҳаракатлари билан, шунингдек, жамоанинг ашаддий ҳамда фидоий мухлисларини ҳурмат қилган ҳолда, энди ишқибозлар Сoca Cola Суперлигасининг сўнгги, 26-туридан ўрин олган “Навбаҳор” – “Нефтчи” ўйинига “Навбаҳор”- “Ал-Ҳилол” баҳси учун чиқарилган чипталар билан стадионга ташриф буюришлари мумкин, яъни, энди мухлислар битта чипта билан 2 та ўйинни томоша қилиш имкониятига эга бўлишади. Фарғоналиклар билан бўладиган учрашувга чипталар чиқарилмайди.

Шу боис, мухлислардан “Навбаҳор” – “Ал-Ҳилол” ўйинидан сўнг ҳам чипталарини сақлаб қўйишларини сўраймиз.

 “Навбаҳор” ПФК матбуот хизмати.