"Насаф" ОФК кубогида қайси босқичда ўйнаяпти?

ОФК кубогининг бу йилги мураккаб тақвимини соддароқ тушунтирамиз. Бугун қаршиликлар Ҳиндистоннинг "Мохун Баган" клубини қабул қилади, бу босқич ОФК кубоги тилида зоналараро ярим финал, биз ўрганган тақвим бўйича эса чорак финалга тўғри келади. 

"Аждарлар" калкуталикларни мағлуб этган тақдирда зоналараро финалда Виетнамнинг "Ли Ман" жамоасига қарши яна Қаршида баҳс олиб боради, бу ўйин эса аслида турнирнинг ярим финалига тўғри келади. Ушбу босқичдан ўтгач Рўзиқул Бердиев шогирдларини финалда "Қувайт СК" ҳамда "Ал Мухаррақ" (Баҳрайн) жамоалари ўртасидаги баҳс ғолиби кутади. Катта эҳтимол билан ўзбек футболи муҳлислари учун бу финал дежавю бўлади...