"Насаф" Кенжабоев билан шартномани бекор қилди

“Насаф” клуби 25 ёшли ярим ҳимоячиси Ислом Кенжабоев билан шартнома бекор қилинганлигини маълум қилди.

Жумладан, клуб матбуот хизмати бу борада шундай ёзди:

"Насаф" ПФК икки томоннинг келишувига кўра Ислом Кенжабоев билан шартномани бекор қилинганини эълон қилади.

Исломга клуб учун қилган меҳнатларига миннатдорлик билдириб, келгуси фаолиятида омад тилаймиз! Барчаси учун раҳмат, Кенжабоев!”, - дейилади расмий хабарда.

Кенжабоев ўтган йили “Насаф”га қайтган бўлиб, бу йилги мавсумда у Суперлига ва Кубок доирасида жами 5 та ўйинда майдонга тушди.