“Насаф” футбол мактабида А тоифали мураббийлар сони ортди

"Насаф" футбол мактаби юртимиз терма жамоаларига иқтидорли футболчилар етказиб беришда етакчи масканлардан бири ҳисобланади.

Айни пайтда футбол мактабида филиаллардан ташқари йигирмадан ортиқ мураббий фаолият олиб бормоқда. Уларнинг 6 нафари Осиё футбол конфедерацияси (ОФК)нинг А тоифасидаги лицензиясига эга эди.

Куни кеча мураббийлар Нодир Ҳалимов ҳамда Зафар Очилов ОФКнинг ушбу йўналишдаги ўқув курсларини муваффақиятли якунлаб, А тоифасидаги лицензияга эга бўлишди.

Шу тариқа, Қарши клуби футбол мактабида А тоифали мураббийлар сони 8 нафарга етди.