"Наполи" минимал ҳисобда ғалаба қозониб, иккинчи ўринга кўтарилди

Италия чемпионати 30-тур доирасида "Кальяри" ва "Наполи" ўртасидаги баҳс меҳмонлар фойдасига 1:0 ҳисобида якунланди.

Неаполь жамоаси ўйинни жуда фаол бошлади ва аллақачон 2-дақиқада ҳисобни очди. Бурчак зарбасидан кейин тўп устунга тегиб қайтди ва Скотт Мактоминай вазиятдан унумли фойдаланиб, гол урди.

Иккинчи бўлимда мезбонлар ўйинни ўзгартиришга ҳаракат қилди, аммо Антонио Конте шогирдлари ишончли ҳимояланиб, устунликни сақлаб қолди.

Ушбу ғалабадан сўнг "Наполи" очколарини 62 тага етказиб, А Серия жадвалида иккинчи ўринга кўтарилди. "Кальяри" эса 30 очко билан 15-ўринда қолмоқда.