"Наполи" етакчиларидан бири жиддий жароҳат олди

Ромелу Лукакунинг жиддий жароҳат олгани маълум бўлди.

"Наполи" ва Белгия терма жамоасининг 32 ёшли ҳужумчиси "Олимпиакос"га қарши ўртоқлик учрашувида (2:1) жароҳат олди. Текширув чап сон тўғри мускулининг жиддий шикастланганини кўрсатди. Ромелу жарроҳлик амалиётини бошдан кечиради.

Маттео Мореттонинг маълумотларига кўра, Лукаку икки ойдан уч ярим ойгача жамоа ихтиёридан чиқиши мумкин. Шу сабабли клуб ҳужум чизиғини кучайтириш учун трансфер бозорига киради.

Ўтган мавсумда белгиялик футболчи А Сериянинг 36 та ўйинида 14 та гол урган ва 10 та голли узатма берган.