Наҳотки! Элдор Шомуродовга Саудия ва Италия клубларидан таклиф бор

Ўзбекистон терма жамоаси ва “Рома” клуби ҳужумчиси Элдор Шомуродовнинг келажаги ҳамон номаълумлигича қолмоқда.

Бир неча кун олдин легионеримизга А сериянинг икки жамоаси “Болонья” ва “Торино” қизиқиш билдиргани ҳақида хабарлар тарқалган эди. Кеча эса Англия Премьер лигаси вакили “Вулверхэмтон” хам Элдорни ўз сафига қўшиб олиш борасида музокара олиб боришга тайёрлиги айтилди.

Россиянинг “Match TV” нашри хабарига кўра, Шомуродовга даъвогарлар рўйхати бешта жамоага кўпайди.

Энди ҳужумчи учун "Болонья", "Торино" ва "Вулверхемптон"дан ташқари Саудия Арабистонининг "Ал-Ҳилол" ва А сериясининг яна бир клуби "Сассуоло" ҳам қизиқиш билдирмоқда.

27 ёшли ҳужумчи ўтган мавсумда "Рома"нинг барча турнирлари доирасидаги  40 та ўйинда майдонга тушиб, 5 та гол ва 6 та голли узатмани амалга оширди. Маълумот ўрнида, Шомуродов ўтган мавсум Рим клуби билан Конференциялар лигасида зафар қучган.