МЮ карантин қоидаларини бузган футболчи трансферидан воз кечмоқчи эмас
- 15-апрел 2020, 23:04
- 0
- Футбол
"Манчестер Юнайтед" ҳамон "Астон Вилла" ярим ҳимоячиси Жек Грилиш трансферини амалга оширилишига ишонмоқда, дея хабар бермоқда ESPN нашри.
"Қизил иблислар" англиялик футболчининг трансферини ёзда асосий мақсад сифатида қўймоқда ва карантин бўйича сўнгги можароларга қарамай, унинг трансферидан воз кечишмоқчи эмас.
Таъкидланишича, ҳужумкор футболчи хизматларига манкунианликлар бош мураббийи Уле-Гуннар Сульшернинг шахсан ўзи қизиқиш билдирмоқда
Грилишнинг Астон Вилла билан амалдаги шартномаси 2023 йил июнигача амал қилади. Олдинроқ, футболчи "Вилла Парк" мезбонлари мавсум якунлари бўйича Премьер-лигада жон сақлай олмаса, клубни тарк этиши ҳақида хабарлар тарқалган эди.
Жорий мавсумда 24 ёшли футболчи "шерлар" либосида 31 та ўйин ўтказиб, 9 гол ва 8 та голли узатмани амалга оширди.